Monday, December 19, 2016

Negociante sa Virac, binadil; agaw buhay ngonian

VIRAC, Catanduanes 12/19/16 (Bicol Standard) — Sarong negociante an binadil kasubagong alas 9:30 nin aga, nin duwang tawo na nakasulot nin bonet asin helmet, na nakalunad sa motorsiklo. Nangyari an krimen sa atubangan kan officina kan LTO sa Brgy San Isidro, digdi.


An victima nabisto sa pangaran na Larry Qye, mas bisto sa apod na “Uktoy,”54 anyos an edad, taga Brgy. Cavinitan, kan banwaan na ini.

Sabi sa report kan pulis si Que idinalagan sa Bicol Medical Center Hospital, para matawan nin atensiyon medical.
Mantang sinusurat an baretang ini, an victima agaw-buhay sa hospital

Mientrastanto, an mga suspechado marikas na nagkutipas padulag, pasiring na dae madeterminaran na lugar.
An motibo kan pagbadil sa victima an dae pa aram kan mga imbestigador.

Maroromdoman na an victima bistado sa banwaan na, huli kan pirme siyang aktibo sa panahon nin election.
Pighahanap pa kan mga pulis an mga suspechado sa pagbadil sa victima.(GB)
Share:

Featured Post

Bicol Central Station to launch online booking and payment portal this week

NAGA CITY (Bicol Standard) – The Bicol Central Station will launch on August 23 its Online Booking and Payment Portal as part of the st...