Monday, December 12, 2016

NASYON | China, gustong magtao nin mga armas sa Pilipinas

Matao nin mga armas an China sa Pilipinas tanganing mapakusog an seguridad kaini, apisar kan problema sa West Philippine Sea.


Ini an annuncio ni Presidente Duterte kasoodma sa atubangan kan mga soldados kan gobierno.

Segun ki Duterte, haloy na siyang sinabihan kan China na akoon na asin kuanon na an mga armas na ini.

An nasambit na bareta ibinoyagyag pa kan presidente durante kan pakihampangan niya sa mga soldados, sa Camp Aquino sa Tarlac, kasoodma.

Idinagdag kan hepe ehekutibo na mapadara na siya sa China nin nagkapirang heneral tanganing iyo an magrecibe kan mga armas.

An mga armas na ini babayadan kan Pilipinas sa laog nin 25ng taon.

Huli kaini, garo man sanang “giveaways” an mga armas, dugang pang pahayag kan Presidente..

Piglinaw kan presidente na bako ining libre, kundi grants na babayadan sa laog nin 25ng taon.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...