Monday, December 12, 2016

LPA sa may Catanduanes, pwedeng maging bagyo sa laog nin 24 oras

Sarong low pressure area an nasirip kan PAGASA na nagbibilog sa may sirangan na parte kan kadagatan kan Virac, Catanduanes kasoodma.



Maski na ngani harayo pa an distancia kaini sa Virac, an PAGASA nagsabi na madara na ini nin mahiwas na pag-bagunas nin uran sa nagkapirang parte kan Bicol.

An maraot na panahon linalaoman na magiging sarong bagyo sa masunod na 24 oras.

Poon ngonian na aldaw, pwedeng magsapo nin mga pag-uran an mahiwas na parte kan mga provincia kan Camarines Sur asin Norte, kabale an Quezon.

Huli kaini, pwedeng magkaigwa nin mga flash floods asin pag tiris nin daga sa mga peligrosong lugar.

Mientrastanto, piglalaoman na magiging mahibog an dampog na may kaibahan na tagiti asin pag kikilat asin pagdagoldol sa Eastern Visayas asin an iba pang parte kan Bicol Region, kabale na sa provincia kan Aurora.

An malomlom na kalangitan abot sa Ilocos Region, Cagayan Valley asin Cordillera, na dara kan nagkukusog na duros amihan.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...