For immediate hiring

For immediate hiring

Thursday, December 8, 2016

Nagsuntokan sa birthday party, saro an gadan

LIBMANAN, Camarines Sur 12/08/16 (Bicol Standard) -- Mainit na kurulitan sa tahaw kan maogmang birthday party an pigpoonan kan surontokan na nagresulta sa kagadanan kan sarong padre de familia, digdi.



An sabi sa report, sinukiti ni Abeth Brusi si Marlon Romagosa, na nagresulta tanganing mabungaw an victima, asin dagos nang binawian nin buhay.

Nagluluwas sa resulta kan imbestigasyon na an suspechadong si Abeth Brusi asin an victimang si Marlon Romagosa, kaibahan kan saindang mga barkada, makikidula kuta sa maogmang celebrasyon kan compleanyo.

Alagad, en vez na hampangon asin upakan an masiram na sumsoman, nagkadiskusyonan an victima asin suspechado na nahulog sa surontokan.

Segun ki PO2 Emy Rose Organis, an parapahayag kan Libmanan PNP, an suspechado naimbitaran man sana na mag-atendir sa birthday party kan tugang kan victima.

An paghuna kan mga imbitado, saro sanang ordinaryong kurulitan an nangyayari entre kan victima asin suspechado.

Alagad, nabigla an mga imbitado kan mahulog sa burolyada an diskusyon.

Sarong makusog na suntok an lagartong nagtama sa payo kan victima, na iyo na an saiyang ikinagadan.

Pig-aragapan na darahon sa hospital an victimang si Romagosa sa paghuna na nadismayo sana ini.

Pero, pagkalihis nin pirang minutos, ipigdeclarar siya na mayo nang buhay.

Mantang sinusurat an baretang ini, hinahanap pa an suspechado na nagdulag kan maaraman na nagadan an saiyang kasuntokan.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...