Saturday, December 24, 2016

Lalaki binadil sa Baao, gadan

BAAO, CSur 12/24/16 (Bicol Standard) – Binadil sa atubangan kan saindang harong si Gilbert Badian y Enriquez kasubagong alas 5:15 nin aga kan duwang dae nabistong mga lalaki na nakalunad sa motorsiklo, mantang nakatindog an victima.



An incidente nangyari sa Brgy. San Jose, sa banwaan na ini.

Sabi kan mga imbestigador tinamaan nin bala an nagkapirang parte kan saiyang lawas, hale sa bala kan badil na dae pa nadeterminaran kun ano an calibre.

Idinalagan pa man kuta si Badian sa Dr. Robosa Hospital para ibabulong, alagad an sabi kan doctor mayo na siya nin buhay.

Susug sa declarasyon kan agom kan victima, an saiyang agom nag-sangat nin nagkapirang caso sa jusgado manongod sa daga na pig iiriwalan.

Pinurot kan mga imbestigador si mga baseyo nin bala na nakua sa lugar na pinangyarihan kan krimen tanganing gamiton na evidencia sa caso.

Hasta sa sinusurat an baretang ini, mayo pang nagluluwas na pangaran kan suspechado.

Nagpapadagos pa an imbestigasyon na ginigibo kan mga awtoridad para mabisto asin masusug an para gadan.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...