Sunday, December 18, 2016

Kantidad P90-M na cocaine nasapod sa dagat kan Albay

LEGAZPI CITY 12/18/16 (Bicol Standard) 18ng kilo nin cocaine an nasapod kasoodmang odto sa tahaw kan kadagatan kan Sogod, Tiwi, Albay, kan duwang para sira na nabistong sinda Manuel Comota asin Razel Bragais.



Sa pakipag-olay kan BICOL STANDARD ki Bicol Police Regional Director Melvin Buenafe, sinabi kaini na an kada sarong kilo kan cocaine nagkakantidad na P5 milyones, kaya an 18ng bricks, minatotal nin P90 milyones gabos.

Ipinahayag pa ni Buenafe na an cocaine bricks selyado an paka patos, asin pinoropotan otro nin hikot, dangan ibinugtak sa dagat.

Nagtutubod an pulis na napatod an pagkagakod kaini sa pampatundag, kaya naglataw an contrabando.

An PNP Regional Office V nagkasibot na magpaapod nin hidalian na press conference kasubagong hapon tanganing ibareta an bagay na ini.

Mientrastanto, dakula an pasalamat ni Buenafe sa mga namamanwaan na nakikipagtabangan nang entero sa mga awtoridad sa orog na pinahiwas na kampanya contra sa droga.

An surunod-sunod na pagkakadiscubre kan mga paratinda, naggagamit asin patin an gibohan nin shabu sa Virac, Catanduanes, bunga kan tabang kan mga namamanwaan.

Nasambit man kan hefe kan pulis sa Bicol na igwa nang siring na clase nin cocaine an nasapod sa parte kan kadagatan kan Samar asin Cebu kan taon 2009.

Nagtutubod an mga awtoridad na tuyong iwinawalat sa dagat an mga contrabando, na may senyal sana kun saen pwedeng mahanap liwat por medyo ta ini mahahanap por medyo kan paggamit nin Global Positioning System (GPS).
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...