Monday, December 19, 2016

Gov “Egay” Tallado, balik sa Capitolyo kan Cam Norte

DAET, CNorte 12/19/16 (Bicol Standard) – Nakabwelta na naman sa saiyang tukawan bilang gobernador kan Provincia nin Camarines Norte si Edgar “Egay” Tallado, por merio kan Temporary Restraining Order (TRO) na pig issue kan Court of Appeals, afabor sa saiya.



Pig confirmar ni Sherwin Mata, an parataram nin Tallado, sa gobierno provincial.

Enot kaini, si Tallado sinilotan kan Ombudsman na matangal sa pwesto asin halean kan gabos na beneficio sa gobierno, kabale an habang buhay na disqualification sa pagpugol nin arin man na pwesto.

An desisyon kan Ombudsman, firmado ni Conchita Carpio-Morales na nagsabi na binalga kan gobernador an mga reglamento kan Civil Service Commission dapit sa mga derechos kan mga empleado kan gobierno.

An nasambit na desisyo nagpoon kan si Tallado sangatan nin caso administrative sa Office of the Ombudsman sa casong “grave abuse of authority.”

Sa pagbwelta ni Tallado sa saiyang officina, ipinahayag kaini na grabe an saiyang pasalamat sa pagluwas kan desisyon kan Court of Appeals, ta an nasambit na favorableng desisyon, garo man sana amay na
Christmas para sa saiya kan Kagurangnan.

Sinabi kan gobernador na an mga caso na saiyang inaatubang, anas sana man “politically motivated”, kaya seguradong dae ini makaka-aguanta sa bista kan jusgado.

Obheto sana suboot kan saiyang mga kalaban sa politica na maghasok nin kariribokan sa Camarines Norte para dae siya maka gibo nin mga karahayan, durante kan saiyang administrasyon.

Afuera kan casong ini, igwa pa siyang iba pang mga caso, kaayon na an immorality complaint, na yaon man sa Officina kan Ombudsman. (GB)
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...