Monday, December 12, 2016

Empleado kan City Hall, timbog sa pagpabakal nin shabu

NAGA CITY 12/12/16 (Bicol Standard) – Sarong empleado kan gobierno lokal kan Naga City an rinamalan kasubagong alas 5:00 nin hapon sa ginibong buy-bust operation kan mga tawohan kan PDEA Camarines Sur, na pinamayohan ni Agent Noe S. Briguel.


Nabisto siya sa pangaran na Isidro Garay Jr.,nakadistino sa Bicol Central Station (CBD), sa Brgy. Triangulo, digdi.

An saiyang residencia yaon sa Zone 1, Riverside, Dinaga.

Si Garay Jr., haloy nang nasa listahan kan mga awtoridad huli kan saiyang pagkakaimbuelto sa pagtinda kan ipigpapangalad na bulong.

Mientrastanto, pakalihis nin haloy na surveillance operation kan mga tawohan kan PDEA, kasubago sana siya natyempohan na madakop.

Nangyari ini kan magpositibo an saiyang pakipagtransaksyon sa nag-saguin-saguin na parabakal nin shabu na ahente kan gobierno.

Base sa report, an gustong ipabakal na droga ni Garay Jr., sa poseur buyer, nagkakantidad na P60,000.

An suspechado napupugolan ngonian sa oficina kan PDEA mantang pigpepreparar an caso na isasangat sa saiya sa pagbalga kan R.A. 9165, an Comprehensive Dangerous Drug Act of 2002.

Isasangat na an caso contra saiya pakatapos kan inquest proceeding sa opisina kan Procurador.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...