Friday, December 2, 2016

Drug surrenderer sa Basud, binadil sa payo

BASUD, Camarines Norte 12/2/16 (Bicol Standard) –Binadil sa payo asin dagos binawian nin buhay kasuodmang alas 8:00ng aga si Albert Espanol y Samante, 33 anyos na taga Purok 1, Brgy. Pinagwarasan, digdi.


Sa report kan pulis, an victima 33 anyos, para-oma asin nagtatrabaho sa vulcanizing shop, sinurungan kan dae nabistong paragadan, dangan tulos siyang binadil.

An victima nagsurrender na sa pulis kan Nobyembre 7, asin nag-promisa na dae na nungka magamit asin maimbuelto kan saiyang sadire sa ipigpapangalad na shabu.

Segun sa mga imbestigador an si Espanyos sibot sa saiyang trabaho sa vulcanizing shop kan mangyari an krimen.

Ipigladawan kan mga nakaheling kan pangyayari na an suspechado kasyahan sana an pagkadakula kan lawas, may langkaw na poco mas o menos 5'6", nakasulot nin color abo na jacket, blue na pantalon asin pula na helmet.

Pakatapos sanang putokan sa payo an victima, marikas na nagdulag an paragadan, na naka sakay sa itom na Kawasaki Rowser na motorsiklo na mayo nin plaka.

An direksyon kan paragadan pasiring sa banwaan kan Basud.

Idinalagan pa kuta sa Leon Hernandez Hospital an victima sa banwaan kan Daet, alagad mayo na siya nin hinangos, sabi sa report.

An nagrespondeng mga pulis nakakua nin 1ng capsula na hale sa calibre 9 mm sa pinangyarihan kan krimen.

Nagpapadagos pa an imbestigasyon kan kasong ini.

Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...