Monday, December 5, 2016

Miembro kan Concepcion Gang sa Libon, binawian nin buhay

LIBON, Albay 12/03/16 (Bicol Standard) – Nagadan na kasuodma si Gilbert Misambique y Sagubiense, na pigsasahotan na miembro kan pigtatakutan na Concencion Gang, na aktibong nag-ooperar sa banwaan na ini.



Si Misambique na elihidong kagawad sa Brgy. Bonbon, binadil kan sarong aldaw nin duwang dae bistadong mga tawo kan Deciembre 3, alas 4:00 nin hapon.

Susug sa pinakahuring dispacho kan bareta kasuodmang hapon, si Misambique nagadan mientras na pigbubulong sa Bicol Regional Training and Teaching Hospital (BRTTH) sa Legazpi City.

Napatodan siya nin hinangos poco mas o menos ala 1:05 nin hapon, sabi sa declarasyon ni Dr. Joana Abitria asin Dr. Reginald Yu.

Nangyari an pagbadil sa victima sarong aldaw pagkatapos na magsugo si Bicol PNP Regional Director Chief Supt. Melvin Buenafe nin lagdoan na paghasog kan mga armadong paragadan na miembros kan Concepcion Gang.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...