[Latest News][6]

2016
Achievers
Advisory
Agriculture
Albay
Albay News
Announcements
Banner
Bicol
Bicol Express
bicol local news
bicol local newspaper
Bicol News
bicol news latest
Bicol Songs
Bicol Vigilantes
Bicolana beauties
Bicolano achievers
Bikol news
Binibining Pilipinas
Business
Camarines Norte
Camarines Sur
Caramoan Massacre
Case in Point
Catanduanes
Celebrations
Church
Column
Community
Contributions
Culture
Daet
Daraga
Development
Disaster
Documents
Drugs
Economy
Editorial
Education
Entertainment
Environment
Events
Feature
Features
Filipino News
Food
Food Trip
Government
Headlines
Health
Human Interest
Infographics
Infrastructure
Iriga
Iriga City
Isipon Osipon
Jobs
Jokes
Kantang suanoy
Legazpi
Legazpi City
Letters
Libmanan
Lifestyle
Ligao City
Live
Masbate
masbate city
mayon
MayonPH
Media
Mining
Modelo Bikolano
Nabua
Naga
Naga City
Nagueno
Nation
National
News
News Bullets
OFW
Opinion
Oragon
Orgullo
Palarong Bicol 2014
Palarong Bicol 2015
Penafrancia
Penafrancia 2014
Photos
Places
PNR
Police
Police Report
Politics
Polls
Power
Power Watch
Rawitdawit
Region
Science
Sorosgon
Sorsogon
Sorsogon City
Sorsoson
Special
Sports
Tabaco City
Tigsik
Tips
Tourism
Trending
Trivia
Videos
virac
Weather
Weekly Roundup
Who reads Bicol Standard
Willy Bayola
World
Youth

Libon nasa full alert huli sa Concepcion Gang

ni Vince Villar, BICOL STANDARD ALBAY

LIBON, ALBAY 12/2/16/ (Bicol Standard) – “Grabe na an perwisyo kan Concepcion Gang. Dapat magkasararo kita tanganing labanan sinda.”

Ini an sustancia kan mga pahayag ni PCIns. Edgar Azotea, hepe kan Libon Municipal Police sa intrevista kan BICOL STANDARD kasoodma.


Segun sa opisyal, magdadanay an saindang pagiging maringis kun mapabaya an mga tawo asin mag-iibitar sa pagdefensa kan saindang sadire.

Huli kan pangapodan, nagtiripon kasoodma an mga miembros kan Municipal Peace and Order Council (MPOC) tanganing tukaron an magkakanigong lakdang tanganing mapondo an nagdadanay na panggagadan kan mga residentes na isinasahot sa sinambit na grupo.

Mismong si Alcalde Wilfredo Maronilla, an nanginotan sa ipinaapod na meeting.

Yaon kasoodma sa pag-orolay si PSSupt. Antonio Cirujales, an Provincial Director kan PNP kan Albay.

Nahaman kasoodma an desisyon na magbugtak nin Army detachment sa barangay Molosbolos, na iyo an pinakacentro kan operasyon kan Gilbert Concepcion Gang.

Sabi sa intelligence report, pitong (7) mga barangay sa pagtaraid na Molosbolos an nasa lindong kan makusog na influencia kan gang.

Enot pa kaini, nag-taltag na nin mga tawohan an pulis sa mga estratihikong lugar digdi, na matabang sa pagmonitor kan lugar asin pag mantinir kan paz y orden.


22 personas na an ginadan kan Concepcion Gang poon kan 2013

Sa pareyong tiripon sinabi ni Azotez na base sa saindang record, 22 nang tawo an nagadan asin 8 an nalugadan, na anas isinasahot na gibo iyo an Concepcion Gang.

Nagpoon na maging maringis an gang kan taon 2013.

Nagluluwas sa record kan pulis na poon sana kan nagtalikod na bulan (Nobyembre), 6 nang buhay nin tawo an tinigbak kan grupo.

Nagtutubod an mga imbestigador na pigreresbakan kan gang an mga tawo na sinasahotan nindang na nag-osip o nagtao nin informasyon sa pulis kaya naaraman na yaon si Gilbert Concepcion sa sarong okasyon digdi.

Huli suboot sa tip kan residentes, pigbalo kan mga awtoridad na i-serve sa akusadong si Concepcion an warrant of arrest na hale sa Regional Trial Court (RTC).

Si Gilbert Concepcion wanted huli sa mga caso nin paggadan, asin may patong nin kantidad P3.5 M sa saiyang payo, para siya madakop.

Alagad, mahalnas siya sa mga awtoridad asin dae naging matriumfo an operasyon kan pulis na dakopon siya.

An pagprobar na arestaron siya kan nakaaging bulan nagresulta sa baradilan, alagad may sarong miembro kan gang an nadakop, mantang saro an nagadan.


6 an nagadan kan nagtalikod na bulan, an saro digdi 9 na bulan na bados

An pinakabagong victima sa serye nin pang gagadan kan gang iyo si Lorivie Marano, na 9 na bulan na bados.

An incidente nangyari sa Brgy. Libtong, digdi.

Sabi sa report, an tuyo kutang gadanon iyo si Crisaldo Sicopito, kundi nakadamay sana si Lorivie, na saiyang kasaroan. Si Crisaldo nagsapo nin tama sa saiyang mga tabay, asin pigbubulong ngonian sa hospital.

Sabi pa ni Azotea, haloy nang pig-iilusyonan na ma-recruit kan grupo nin Concepcion si Crisaldo na magbale sainda. Alagad, nagsayuma ini.

Bilang prueba kan saiyang pagsayuma, nagpa-Manila pa ngani sinda kan saiyang live-in partner, para maka-ibitar.

Kan mangyari an paggadan ki Lorivie, pirang aldaw pa sana sindang nag-abot sa barangay.

Idinugang ni Azotea na sambiton sa meeting kan POC na naging ugali na ni Concepcion na fuersahan na magrecruit nin mga miembros. An sisay man na magsayuma saiya, sinahotan na espiya o informer kan mga awtoridad, kaya pigmimirar na kaiwal.

An ibang miembros kan familia kan nagsayumang maging miembro ninda, kadamay pa sa pigdududahan na espiya.

Arog kaini an nangyari sa familia Sandrino na ginaradan kan nakaaging bulan sana sa magkasuway na lugar.

Saro sa mga rinat-rat nin bala kan mga miembros kan gang iyo an paraomang si Anjol David kan Brgy. Macabuhos, na pigdudahan na informer an agom kaini.

Ultimo sa mensahe ni Azotea sa POC meeting iyo an pagsambit niya na may mga oficiales nin barangay na tinatakot asin hinahagadan cuartang pang gastos kan mga miembros kan gang. (Report ni Vince Villar –Bicol Standard Albay)

Bicol Standard

Bicol news

Start typing and press Enter to search