Wednesday, December 14, 2016

Caramoan massacre ginibong pelikula, may titulong Oro, entry sa MMFF 2016

NAGA CITY 12/14/16 (Bicol Standard)--An nagin kontrobersyal na kaso kan makangirhat na Caramoan massacre na nagresulta sa pagkagadan nin apat na tawo ginibong pelikula na may titulong Oro.


 An Oro, na tataramon na Espanyol na an boot sabihon "bulawan," sarong entry sa Metro Manila Film Festival.

Ini pinelikula asin sinurat kan Bicolanong filmmaker na si Alvin Yapan na taga Pili, Camarines Sur.

An pelikulang Oro istorya nin kapitana, minero, asin an saiyang gustong agomon.

An saindang buhay enterong mababago sa pag-abot kan Patrol Kalikasan.

An Patrol Kalikasan, sa nasambit na pelikula, nagpapamalo-malo na environmentalist mantang nag-iinteres sa operasyon kan minahan.

Nagkapira sa mga artista sa Oro iyo sinda Irma Adlawan, Joem Bascon, asin Mercedes Cabral.

Madadalan poon Diciembre 25 an Oro sa mga sinehan sa enterong nasyon.

An pelikulang ini ginuno sa tunay na pangyayari sa barangay Gata sa isla kan Lahuy sa Caramoan duwang taon na an naka-agi.

An mga imbuelto sa kasong ini iyo an mga miembros kan Task Force Sagip Kalikasan, alagad inapod sa pelikula na Patrol Kalikasan.

An asunto criminal contra sa mga akusado sa paggadan kan mga minero pigbibistahan ngonian sa Regional Trial Court digdi sa Camarines Sur.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...