Wednesday, December 7, 2016

Brgy kagawad tinadtad nin bala sa Oas, Albay

OAS, Albay 12/07/16 (Bicol Standard) –Saro pang residente kan Brgy. Bacolod, Libon, Albay an binadil kasubagong alas 5:00 nin hapon kan mga dai nabistong armadong lalaki.



An incidente nangyari sa Brgy. Manga, digdi.

An victima iyo si Gregorio Siano y Sayson, 53 anyos, may agom, asin consejal sa barangay.

Sabi kan mga imbestigador si Siano tinamaan nin mga bala sa man laen-laen na parte kan saiyang lawas, na iyong naging causa kan saiyang kagadanan.

An suspechadong paragadan nagdulag tulos pakatapos mangyari an krimen pasiring sa dae madeterminaran na direksyon.

Si Siano iyo an ika duwang barangay kagawad sa banwaan kan Libon na ginadan, ngonian sanang semana.

Ipinahayag kan police na mapaabot sinda nin dugang na informasyon sa nangyari, pakatapos na magkatiripon na ninda an ginigibong pagsiyasat ngonian.

Dae nasambit sa bareta kun an pinakabagong incidente nin panggagadan may relasyon pa sa Concepcion Gang, na nakabase sa Libon, Albay.
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...