Sunday, December 11, 2016

Americano, 2ng kaibahan, timbog sa buy-bust sa Albay

GUINOBATAN, Albay 12/11/16 (Bicol Standard) -- Sarong retiradong marinero asin an duwang mga babaeng kaibahan kaini an nasalakab kan mga pulis sa buy-bust operation kan operatiba kasuodmang alas 11:30 nin banggui.



Nabisto an mga narkadarakop na siyo sinda Martin Tinker y Phelps, 70 anyos, American citizen, asin retiradong seaman na taga Massachussets, USA.

Afuera saiya, nasiod pa kan PDEA asin operatiba kan pulis iyo sinda Gracia Openiano y Ibanez, alyas “Ate,” 40 anyos, daraga, dating Overseas Filipino Worker (OFW), asin residente kan Purok 1, Brgy. Rizal, Jovellar. An saro pang nadakop sa pareyong operasyon kan pulis iyo si Joane Baradia y Fabricante, 33, daraga, na taga Lot 19, Block 162, Magnolia St., Makati City.

Nakua sa poder kan mga suspechado an limang pidasong heat-sealed transparent plastic sachets na may laog nin shabu; sarong gold Samsung J-1 Cellular phone; sarong brown bag,na may laog man nin shabu asin an ginamit na boodle money na kantidad P1,000.

Tanganing madaling tubudan na may cuarta an nagsagin-sagin na parabakal nin shabu, nag-gunting nin mga papel an pulis na an pagkadakula kapareyo kan cuata na iyong ipinaheling sa suspechado

An boodle money ilinaog sa LBC plastic pouch.

Mientrastanto, kinumpiscar man kan mga awtoridad an pisaran, sarong pidasong tubo nin tubig, asin sari-saring clase nin illegal drug paraphernalia.

An mga nakuang gamit hale sa mga nagkadarakop pugol na ngonian kan mga awtoridad, asin gagamiton na evidencia sa pagsangat kan caso contra sa mga nagkadarakop.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...