Tuesday, December 27, 2016

6-B na kantidad nin shabu, nadakop kan NBI

MANILA 12/27/16 (Bicol Standard) – Sa laog sana nin sarong bulan an National Bureau of Investigation (NBI) nakadakop nin 890 kilo nin shabu, na may valor na kantidad P6 bilyon.



Ini an pig annunciar ngonian na aldaw ni DOJ Secretary Vitaliano Aguirre II sa atubangan kan mga miembros kan media.

Segun ki Aguirre, tulong operasyon an ginibo kan NBI contra sa droga, poon kan Dec 1, 23 asin 26, ngonian na taon.

An ilegal na droga na nasa sako pa ipigpresentar sa media durante kan press conference ngonian na aldaw.

An kada kilo nin droga carculadong nagkakantidad P10 milyones, sabi ni Aguirre.

An NBI Task Force Against Illegal Drugs naglansar nin serye nin operasyon poon kan Septiembre haste Deciembre.

10 an naarrestar

Mientrastanto, 10 an naarestar sa sinambit na mga operasyon kan NBI.

Kabale digdi an 3ng mga Chinese nationals asin 7 na mga Pilipino.

An nasambit na grupo inaapod kan NBI na “Red Dragons.”

An kampanya contra sa ilegal na droga an saro sa mga ipig promisa ni Pres Rodrigo Duterte durante kan siya nagkakampanya.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...