Saturday, December 17, 2016

2 bombero kan Naga City, sinipa sa trabaho

NAGA CITY 12/17/16 (Bicol Standard) – Mamundong pasko an sasapoon kan duwang mga empleado kan Bureau of Fire Protection (BFP) na distino digdi kan sinda sipaon sa trabaho kasubago, nin huli sa reclamo nin sarong negosyante na pagabuso kan 2ng bombero.



Sinda SFO1 Antonio Mendoza asin FO2 Webster Ognita ipig sumbong ni Jonathan Cano, na kagsadire kan Jazz Titanium Wheels, kan an duwang bombero biglang naginspection na dae nani lamang nakasulot nin uniforme kan saindang ahensya.

Sa pahayag ni FC/Insp Alberto de Baguio, sa media, hefe kan BFP nagsabi na nakaabot sa saiya an informasyon na an duwang bombero nag onoy na nag-inspection sa tindahan kan negosyante.

Enot tulos na pighanap kan 2ng bombero an fire extinguisher kan tindahan ni Cano.

Kan mayong ikinapresentar, nagrecommendar an duwa na magbakal na sana si Cano sa saindang kabistong tindahan.

Nagluwas sa bareta na afuera sa dae an duwa naka sulot completong uniforme, mayo pa sindang darang lehitimong order na mag-inspection.

An mga bagay na ini ipigbabawal na entero kan nasambit na officina.

Afuera digdi, prohibido man sa mga bombero na magrekomendar kun saen pwedeng mabakal nin fire extinguisher an may kaipohan kaini. (GB)
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...