Wednesday, November 30, 2016

Suspechadong swindler sa online business, dinakop

CAMALIG, Albay 11/30/16 (Bicol Standard) – Nahulog sa kamot kan mga awtoridad sa ginibong entrapment operation si Jessa Mae Mendoza, na pagkatapos nin beripikasyon naaraman na an tunay na pangaran Cherry Margate y Mallanes, na taga Brgy. Bubulusan, Guinobatan, Albay.



An suspechado na naggagamit nin duwang pangaran, rinamalan kan pulis huli sa reclamo ni Herbie Dancalan y Varde, 21 anyos, na taga Brgy. Santiago, Bato, Camarines Sur.

Sinasahotan an suspechado na imbuelto sa pag krimen na pag-suba (swindling) sa victima sa sarong online business.

Dae nakareklamo si Margate sa mga nag-arestar saiyang mga awtoridad.

Binasahan ngona siya kan saiyang mga derecho sa lindong kan Constitution, antes na dinara sa hepatura kan pulis digdi.

Hasta ngonian, yaon pa siya sa detention cell mantang hinahalat an pagsangat nin casong Swindling sa oficina kan procurador kan Albay.

Nadakop siya kasubagong alas 12:30 nin hapon.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...