Saturday, November 26, 2016

Suboot shabu lab sa Virac, bantay sarado ngonian

VIRAC, Catanduanes 11/26/16 (Bicol Standard) – Mahalat na matawan nin Search Warrant kan Regional Trial Court an mga tawohan kan pulis, tanganing rekisahon na maray an laog kan sarong bodega digdi na pigtutubodan na laboratoryo nin shabu.



Sabi sa report ngonian na bangui, pinondo ngona kan pinag sararong fuerza kan Regional Public Safety Batallion, Catanduanes Provincial Public Safety Office Company asin MPS kan banwaan na ini an saindang operasyon, huli ta madiklom sa lugar, asin naghahalat pa kan Serach Warrant, kun tatawan kan RTC.

An petition para sa hinahagad na Search Warrant yaon ngonian sa sala nin RTC Judge Lelu Contreras.
Mientrastanto, an suspechang may laboratoryo nin shabu sa bodega, hale sa sumbong kan sarong senior citizen na nagsumbong na may makusog siyang pagduda na an warehouse sa Bry. Palta, digdi an gibohan kan pigbabawal na droga.

Sa ibong na lado, sa pakipagolay kan media ki C/Insp Francisco Rojas, an para taram kan Catanduanes Police Provincial Office (PPO), sinabi kaini na iparekesa ni Alkalde Samuel Laynes kan banwaan na ini, katuwang an Municipal Police Station asin Police Provincial Office (PPO).

Sabi sa report, an warehouse ginibo dae nagkua nin building permit sa lokal na gobierno, digdi.

INSPECTION KAN LUGAR

Sa ginibong paginspection kan lugar, nadiskubre kan mga awtoridad na igwa nin mga nasa laog kan botelya nin mga chemical asin igwa pang nasa laog nin mga plastic containers, na pigtutubodad na ingrediente sa pag gibo nin shabu. Igwa pang mga naheling na hydrogenator, pisaran, mga glassware asin motorized mixing apparatus.
Alagad, sa ginibong pag rekesa kan lugar, an Chinese National na iyong nag ookupar kan nasambit na warehouse an dae inabotan kan mga tawohan kan gobierno.

Enot pa kaini, maroromdoman na kan Hulyo sana, ngonian na taon an mga ahentes kan gobierno nakacompiscar nin 71ng buldo nin shabu na carculadong nagkakantidad P2.1 M.

Hasta ngonian na bangui na sinusurat an baretang ini an mga pulis na pinapanginotan ni Chief Supt. Melvin Buenafe, an mga tawohan kan Regional Public Safery Batallion, Catanduanes Provincial Public Safery Company, 83th IB kan Philippine Army asin kan mga pulis digdi an nakabantay pa guiraray sa palibot kan warehouse.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...