Tuesday, November 15, 2016

Sobrena, pinahelingan kan ikinabuhay kan saiyang tiyo-on, nagreklamo

TABACO CITY November 15, 2016 (Bicol Standard) – Pinaluwas na sa birole kan saiyang pantalon an ikinabuhay kan saiyang tiyo-on kan siya magprobar na abusohon an saiyang sobrena.



Ini an report hale sa Brgy. San Vicente, digdi, mapadapit incidente nin pag probar na pag abusokan sa saiyang sobrena.

An pig target na maging victima iyo an 21 anyos na daraga na itinago sa pangaran na Virginia.

Sabi sa report kan Zagitsit news duman sa Legazpi City, poco mas o menos alas 10:00 kasubangui, pig probaran na gibohan nin maraot si Virginia kan saiyang kadugo man sana.

Base sa declarasyon kan nagrereklamo, namate suboot ni niya na luway-luway na pig gugudyod si saiyang tamong, kaya siya nagbungkaras.

Malinaw na nabisto niya na an nagprobar na mag-ratak kan saiyang pagka-babae, iyo man sana an saiyang sadireng tawo, na tiyo-on, sa relasyon sa dugo.

Suboot an dae masabotan kan nagrereklamo ta apisar kan naheling na niya an pandok kan suspechado asin nabisto an pagkatawo, pirit pa lugod kaining pinaluwas an saiyang ikinabuhay sa atubangan kan malinaw pang mga mata kan saiyang sobrena.

Mantang sinusurat an baretang ini, pig oorolayan kan mga partidaryos kan victima an pag sangat nin reklamo contra sa saiyang ama-on.

Pighahalat na sana kan victima an saiyang sinumpaan na deklarasyon para sa pag plantiar kan magkakanigong reklamo.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...