Friday, November 18, 2016

SIPOCOT: Brgy. kgd. tinadtad nin taga asin bala, gadan

SIPOCOT, CSur November 18, 2016 (Bicol Standard) –Nakuang malipot nang bangkay an hawak ni Primo Belleza y Navida, na sarong kagawad sa Brgy. Carayrayan digdi kasoodmang alas 7:00 nin aga.



An nasambit na opisyal kan barangay tinadtad nin tama nin bala asin mga taga sa man laen-laen na parte kan saiyang lawas.

Segun sa enot na nagluwas na informasyon kan pulis, nawawara an shoulder bag kan victima na may laog nin sarong handheld radio; cellular phone asin cash na kantidad P20,000.00.

Bago pa sanang magpesar kan saiyang copras na pwedeng naging rason kun tano posibleng pig-interesan an saiyang cuarta, segun sa mga imbestigador.

Mientrastanto, nakua kan mga awtoridad sa lugar na pinangyarihan kan incidente an 1 pidasong capsula para sa 12 gauge na shotgun.

Hasta sa panahon na sinusurat an baretang ini pigtitipon pa kan mga imbestigador an ibang detalyes kan krimen.

Mayo pang nagluluwas na pangaran kan suspechado o mga suspechado.

Si Belleza iyo an ikaduwang barangay kagawad na ginadan sa laog sana nin sarong bulan digdi.

An bangkay kan victima yaon ngonian sa Sta. Rita Funeral Homes, sa San Juan Ave., North Centro, para sa Post Mortem External Examination kan Rural Health Unit.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...