Sunday, November 20, 2016

Selos, causa kan pag-suicide kan ama, idinamay an aki

VINZONS, Camarines Norte 11/20/06 (Bicol Standard) –Makusog na pagbuag nin dinamita an nakagadan sa mag-ama na nabistong si Alfonso Asis, 41 anyos asin an saiyang 4 anyos na aki, segun sa resulta kan imbestigasyon.


Nagluluwas sa report na inako ni Ronabelle Talla, 26 anyos na kasaroan kan nagadan na nagkaigwa sinda nin mainit na pagsuway, kaya siya naglayas sa saindang pig-eerokan.

Idinagdag ni Talla na makuring pagselos an guinikanan kan saindang dae pagka-intindihan.

Mientrastanto, pigconfirmar ni Ronabelle na nag-apod pa mananggad saiya an victima antes na mangyari an incidente. Pinatanidan pa subot siya na kun dae magpuli sa saindang harong tataposon na ni Asis an saiyang buhay.

Apisar kaini, idinugang pa suboot kan victima na isasabay na niya sa saiyang kagadanan an saindang cuarto anyos na aki.

Segun sa report, inabotan kan mga nagresponde sa lugar na pinangyarihan kan incidente an nagkuriyat na dugo asin mga nagkapiridasong parte kan lawas kan mag-ama.

Nangyari an incidente sa Brgy Singi, digdi.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...