For immediate hiring

For immediate hiring

Monday, November 14, 2016

Samurai, labaha, gunting hinabas sa Tabaco City

TABACO CITY, Noviembre 14, 2016 (Bicol Standard) -- Pighahanap pa ngonian an suspechado sa paghabas kan mga gamit na pigtitinda sa Atondo Cutlery & Handicrafts kan nakaaging Biyernes na amay na pagkaaga.


Segun sa oficial na report hale sa mga autoridad, nadiscubre na sana ni Virgilio Atondo na nawawara an mga minasunod na mga gamit: anom na scout knife, walong Rambo knife, siyam na Bartolome bolo, anom na labaha, doseng gunting, anom na bag, asin apat na Samurai.

Si Virgilio Atondo aki ni Salve Atondo na iyo an maysadire kan tindahan.

An mga nasambit na gamit may karkuladong kantidad na P24,550, sabi kan pulis.

Dinugang pa sa report na an suspechado posibleng nagsakat sa cyclone wire cover kan tindahan para makua an mga kagamitan.

Nagcoconducir pa ngonian nin follow-up investigation an Tabaco City Police Station para mabisto asin madakop an suspechado.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...