Monday, November 21, 2016

Rigaton nin shabu na taga Baao, nadakop sa Iriga City

IRIGA CITY 11/21/16 (Bicol Standard) -- Saro pang residente kan banwaan nin Baao, Camarines Sur, alagad nagtitinda nin shabu digdi an nadakop kasubago kan mga awtoridad, sa ginibong buy-bust operation.



Nahulog sa kamog kan mga awtoridad si Ronald Esplana y Beroin, 40 anyos, sa operasyon kan pulis sa Brgy. San Francisco, kasubagong alas 6:27, ngonian na banggui.

Nakua sa poder kan suspechado an transparent plastic sachet na may laog nin shabu, kantidad P1,000 na ginamit na buy-bust money, 5ng pidaso nin mayo pang laog na plastic sachet; sarong unit nin Nokia cellular phone; asin sarong lighter.

An suspechado, haloy nang nasa listahan kan pulis na aktibong nagtitinda nin shabu hale sa Baao, asin an saiyang pigtatangroan na mga parokyano an mga taga Ciudad kan Iriga.

Si Esplana yaon ngonian sa poder kan pulis digdi.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...