Thursday, November 17, 2016

Pusher sa Nabua na taga Bula, nadakop kasubago

NABUA, Camarines Sur November 17, 2016 (Bicol Standard) –Nahulog sa kamot kan pinagsarong fuerza kan pulis an persona ni Marvin Relato y Presado, 29 anyos, soltero, taga Brgy. Palsong, Bula, Camarines Sur sa ginibong buy-bust operation sa Z-1, Brgy. Aro-Aldao, digdi.



An operasyon ginibo kasubagong alas 3:10 nin hapon, sa turuwang na esfuerzos kan Camarines Sur PPO, PPSC , PIB asin an lokal na pulis digdi.

Nakua sa poder ni Relato an duwang sachet nin kemikal na pigtutubudan na shabu asin iba pang mga drug paraphernalia.

Segun sa report, an nadakop na suspechado haloy nang nagpapabakal nin ilegal na droga sa banwaan na ini.

An suspechado nasa hepatura kan pulis mantang pighahanda an isasangat na kaso kontra saiya.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...