Wednesday, November 9, 2016

Pulis kan Polangui, nadakop sa cuarto kan saiyang piday?

PILI, Camarines Sur — Sarong pulis na nakadistino sa Polangui, Albay an sinangatan nin reklamo sa Oficina kan Procurador sa Ciudad kan Iriga, sa pagbalga kan ley na inaapod na Indiscriminate Firing. Ini, nin huli sa pagpaputok niya kan saiyang service pistol sa Brgy. Palestina, digdi.



Sabi sa report, si PO3 Roy Regalario na nakadistino sa Polangui, Albay, nagpaaram sa saiyang hefe na mapasiring sa Pili para areglaron an saiyang loan sa AFPSLAI.

Alagad, en vez na sa AFPLAI, nakadalagan siya sa ibang lugar, na segun sa imbestigasyon, sa cuarto suboot kan saiyang piday.

Dinakop si Regalario kan mga miembros kan Pili PNP huli sa reklamo nin Indiscriminate Firing.

Mientrastanto, segun sa pagsiyasat, si Regalario suboot nagkipagsuntokan ngona sa sarong lalaki, ta naabotan siyang nasa laog kan cuarto sa

boarding house kan saiyang suboot ka-relasyon, na agom kan saiyang nakasuntokan.

Huli kan pangyari, suboot si Regalario napiritan magpaputok kan saiyang service pistol na sarong 9mm gloc, kaya siya ipigreklamo.

An pangaran kan babae asin an agom niya na nakasuntokan kan pulis dae sinambit sa report hale sa police.

An solamenteng informasyon na an mag-agom pareyong nagtatrabaho sa call center digdi.
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...