Tuesday, November 8, 2016

Pulis kan Legazpi maghapon naglibot sa ciudad huli sa bomb threat

LEGAZPI CITY, November 8, 2016 (Bicol Standard) -- Maghapon na nagkasiribot an mga pulis sa pagreparo kan mga lugar na nasambit sa sarong “bomb threat” na pinakuriyat por medio nin sarong text message poon pa kasuodma digdi.


Segun sa mensahe ni PCI Arthur Gomez, an parataram kan PNP Albay, naglibot an saindang mga tawohan sa enterong lugar na nasambit sa homa guikan sa dae nagpabistong tawo, na nagpapatanid na may itatanom sindang bomba.

Hastang kasubagong alas 2:00 nin hapon, si Joy Tango y Usabal, an information officer kan Regional Office kan DILG sa Bicol nagreport sa Legazpi City Police Station may narecibe siyang informasyon hale ki Pia Salamero, an HR Officer kan DILG ROV V na an “bomb threats” naglalakop bako sanang digdi sa DILG Bicol, kundi maging sa DILG-CAR asin sa DILG Regional Office 4-A.

Mientrastanto, nin huli kan nasambit na informasyon, nagpadara tulos nin mga tawohan an pulis sa panginginot ni PSI Randy Bachiller, kan SWAT Legazpi para mag-imbestigar kan nasambit na report.

Afuera kaini, nagpadara man dagos nin EOD personnel sa DILG Office para maseguro an katotohanan kan pigkuriyat na patanid.

Sa ibong na lado, si PCI Malu Calubaquib, an parataram kan PNP sa Bicol nagsabi na hasta sa oras na ini, mayo man sindang narecibeng noticia mapadapit sa pighahaditan na “bomb threat.”
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...