Wednesday, November 9, 2016

Pulis, army na masakyada sa suboot shabu lab sa Matnog, nalubog sa dagat

MATNOG, Sorsogon November 9, 2016 (Bicol Standard) – Tarabang na pighahanap ngonian kan mga pulis asin army an saindang mga gamit, arog kan mga badil asin bala, na nagkawarara huli kan pagkalubog kan saindang piglulunadan na banca kasoodmang alas 3:30 nin hapon.



Segun sa bareta, an mga pulis asin army pasiring kuta sa Tikling Island, sa banwaan na ini, tanganing sakyadahon an pigtutubodan na laboratoryo nin shabu.

Mientras na nasa byahe na an grupo, nakasabat suboot sinda nin darakulang alon, na iyong naging causa para malubog an saindang piglulunadan na motor sa dagat.

Huli kan siring na aksidente, dakul na mga gamit na sadire kan gobierno asin personal na mga gamit kan pulis asin soldados an nawawara.

An mga miembros kan Matnog MPS, mga miembros kan Philippine Coast Guard asin Sorsogon Maritime Divers an nagtatarabang ngonian sa search and retrieval operation, para hanapon an mga nawarang mga gamit.

Sa kapareyong report, pig confirmar na mayo man nakulgan o binawian nin buhay sa nasambit na aksidente.

An mga kabale sa nasambit na operasyon iyo sinda PInsp. Joseph Millares, SPO1 Ruel C. Renolayan, SPO1 Ely Moraleda, Leo Carlo Liao, PO1 Christopher Docog, asin an mga miembros kan army na pinamayohan ni CPL Joven Borbor.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...