Friday, November 18, 2016

PILI: Parahabas nin motorsiklo, nag-atake naman

PILI, Camarines Sur, Nov. 18, 2016 (Bicol Standard) – An harabonan nin motorsiklo an liwat naging uso ngonian sa man laen-laen na banwaan kan Camarines Sur.


An pinakabagong incidente ipigsumbong ni Rychell Tanaotanao-Tolentino sa hepatura kan pulis, huli kan pagkawara kan pulang KYMCO motorcycle na sadire kan saiyang agom.

Si Tolentino residente kan Zone 2, Brgy. San Agustin digdi.

Basado sa saiyang sumbong sa pulis, nawara an saindang vehiculo sa pag-oltanan kan oras na ala 1:00 hasta alas 3:00 nin mag-omagahon kasuodma.

An saindang motorsiklo nakagarahe sa likod sana kan saindang tindahan, sa nasambit na barangay.

Nangapodan an kagsadire kan motorsiklo sa gabos na may sadire nin arog kaining vehiculo na maging maingat sa pagsaray o pag-garahe kan siring na rogaring, nin huli ta ini an nagluluwas na bagong modus operandi kan mga parahabon.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...