Saturday, November 12, 2016

Nakipagrumble sa Legazpi City, nagadan kasubanggui

LEGAZPI CITY November 12, 2016 (Bicol Standard) –Binawian na nin buhay kasuodmang alas 11:00 nin banggui sa BRTTH si Presko Mendez y Lana, taga P3, Brgy. Arimbay, nakadukayan na na nakahigda sa daga, pagkatapos nin rumble.


Susug sa sumbong sa pulis ni Marites Agnote y Mendez, an saiyang agom na si Presko naimbuelto sa sarong robo-robo, sa barangay, sa pag-oltanan kan oras na alas 9:00 asin alas 10:00 nin banggui, kan nasambit na fecha.

Huli sa narisang mga tama sa lawas ni Presko, idinalagan tulos siya sa hospital para ipabulong.

Alagad, kasubangui, binawian man guiraray siya nin buhay.

An mga imbuelto sa nasambit na incidente an pighahanap pa ngonian kan mga imbestigador.
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...