Saturday, November 12, 2016

Burat na lalaki, nangmolestya nin 8 anyos na aking kulang an isip sa Naga City

NAGA CITY November 12, 2016 (Bicol Standard) –Tagob nin pagbasol an sarong 24 anyos na taga San Vicente, Pamplona, Camarines Sur na ipigreklamo kan magurang kan sarong 8 ayos na aki na kulang nin pag-isip.


Segun sa intrevista kan estasyon DWLV ngonian na aga, inako ni Deo Indriga y Cas na napanlingaw siya kan ginibo niya an pagmolestya ki Nene (bakong tunay na pangaran), sa paagui kan paglaog kan saiyang muro sa ikinabuhay kan victima.

Sabi kan imbestigador kan pulis sa Presinto 2 kan NCPO, nakarecibe sinda nin reklamo kasubanguing poco mas o menos alas 10:00, dapit sa suboot krimen na guinibo ni Indriga.

Nangyari an incidente sa luwas sana kan carinderiya kan magurang kan aki sa Diversion Road, digdi.

Mientrastanto, sa pareyong intrevista sa radyo, nagbabasol na inako kan suspechado na talagang naka inom siya kaya naguibo an krimen.

Binasol kan suspechado an dagmang suboot na mga problema niya sa buhay kaya nag-inom nin arak.

Si Indriga yaon ngonian sa selda kan pulis sa Presidento 2, mantang pighahalat an isasangat na caso kontra saiya.

Sa pag-oltanan kan saiyang paghibi, naghagad siya nin kapatawadan sa mga magurang asin sa victimang aki ta dae niya suboot aram an saiyang ginibo, huli kan kaburatan.

Si Endriga may 2ng aki sa saiyang agom na bados man ngonian kan saindang ikatulong aki.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...