Friday, November 11, 2016

Nag-ikit nin pampa-joven, pampaputi na sabon, asin toothpaste pag sepilyo, dakop kan sekyu

CAMALIG, Albay November 11, 2016 (Bicol Standard) – Sarong 25 anyos na lalaki an tinakma kan security guard sa LCC Expressmart, digdi, na nadakop na suboot naghabon nin mga grocery items.



An lalaki nabisto sa pangaran na Ryan Bernal y Macabuhay, taga Brgy. Caridad, Atimonan, Quezon.

Nagluluwas sa imbestigasyon nankasoodmang alas 12:45 nin hapon, binitbit si Bernal kan mga awtoridad kan an suspechadong parahabon nadakop kan guardya na nag-ikit kan minasunod na tinda sa LCC Expressmart:  1 pidasong Dream White anti-aging soap, na nagkakantidad P0.56; 9 na pidaso nin Silka skin whitening lotion, na kantidad P243.00 an kada saro; asin 1 pidaso nin Colgate anti-cavity toothpaste, na ipinapabakal sa kantidad na P104.00.

Sabi sa report, an suspechado namalesyahan kan sekyu na garong natataranta kan dulokon, huli sa mga effector na saiyang kinua sa sinambit na tindahan.

An nakadakop saiya iyo si Jefferson Mendoza y Delma, na empleado kan Global Guard Force Security Agency, alagad nakadistino sa LCC Expressmart, digdi.

Pagkatapos na ma-cierto kan guardya na igwa talagang mga kinua sa tindahan an suspechado, dagos na siyang dinara sa hepatura kan pulis, para sangatan nin magkakanigong reklamo.

Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...