Wednesday, November 16, 2016

LIGAO CITY: Motorsiklo nakisuagan sa bus; driver, gadan

LIGAO CITY November 16, 2016 (Bicol Standard) –Kinakan kan motorsiklo na pigmamaneho ni Santiago Dancalan y Murillo an linya kan kasabatan na bus na minamaneho ni Lito Quinalayo y Rodriguez, kaya nagresulta sa tulos na kagadanan kan driver kan nasambit na vehiculo.



Nangyari an aksidente kasubagong alas 7:30 nin aga, sa national highway, sa Purok 1, Brgy. Batang, digdi.

Segun sa report, magkasabatan an dalagan kan duwang vehiculo; an bus pasiring sa Brgy. Tuburan mientras na an motorsiklo pasiring sa Brgy. Herrera digdi.

Ipigladawan sa report kan mga imbestigador na nakabig ni Dancalan an manibela kan motorsiklo palaog sa linya kan bus, asin dae na kinaya kan driver kan dakulang awto na malikayan an nasambit na aksidente.

Idinalagan pa kuta sa hospital si Dancalan sa JBDMDH Tiburan, alagad, pag abot pa sana, ipigdeclarar na kan doctor na gadan na an driver.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...