Sunday, November 27, 2016

LIBON, ALBAY: 3ng miembros kan familia, nakuang gadan

LIBON, ALBAY 11/27/16/ (Bicol Standard) Tulong (3) miembros kan familia Sandrino an nakuang gadan sa magkasuway na lugar sa banwaan na ini.


Enot na nadukayan an bangkay ni Josephine Sandrino sa atubangan sana kan saindang residencia sa Brgy. Bonbon.

Igwa siya nin tama nin bala sa saiyang lawas.

Base sa report kan pulis, nakua man an bangkay kan saiyang agom na si Angel Sandrino, na igwa man nin tama nin bala.

Nagsunod na nakua an bangkay kan aki nindang si Benjie, 28, sa Brgy. Nogpo, digdi. Sabi kan mga residentes, hale pa sana sa pagbilar kan nagadan na miembro kan saindang familia an victima.

Mientrastanto, sa pakipag-olay ni Chief Inspector Ed Azotea sa media, sinabi kaini na nagtitipon na sinda nin mga informasyon asin evidencia na pwedeng makapuntariya sa mga responsable sa nasambit na mga krimen.

Igwang nagluluwas na informasyon na posibleng an paggadan mga miembros kan familia Sandrino, pwedeng parte kan hot pursuit operation sa mga miembros kan Concepcion gun for hire group, na naka encontrada kan mga pulis kan sarong aldaw.

Maroromdoman na an pinagsararong grupo nin mga pulis an ma-serve kuta kan warrant of arrest sa lider kan Concepcion gang na naheling suboot sarong harong digdi.

Alagad, antes pang maiduhol an arrest warrant, nakarisa an mga tawohan kan gang, kaya nagkaigwa nin baradilan sagkod na makadulag liwat an marigmat na maray na suspechado sa mga pulis.

Si Concepcion sinasahotan na imbuelto sa darakulang krimen sa Albay kaya igwang patong an saiyang payo nin kantidad P3.5 milyon sa sisay man na makatukdo sa saiyang kinakamugtakan.

Segun ki Azotea, mayo pa siyang pusog na informasyon kun may relasyon mananggad an kagadanan kan tulong miembros kan familia Sandrino na anas nakuang gadan asin may tama nin badil.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...