Tuesday, November 1, 2016

Lalaki, tinaga, binogbog, mantang naglilinig sa cementeryo sa Masbate City

MASBATE CITY November 1, 2016 (Bicol Standard) — Binogbog dangan tinaga si Oliver Lim y Espinas kan mag agom na sinda Jimmy Toledo asin Vangie Toledo y Villamor, na pareyong mga residentes kan Brgy. Pabrica, Mobo, Masbate.



Sabi sa report, an victima naglilinig kan linubungan kan saiyang mga magurang asin tugang sa Public Cemetery kan Masbate City, kan nagkanumpongan an magkaigwal.

An pig ponan kan iriwal iyo an incidente na suboot nangyari kan sarong semana na kun saen an victima, iyo an sinasahotan kan mga suspechado na nagbogbog man sa aki ninda.

Mientrastanto, sabi sa imbestigasyon, sinitar ngona kan mga suspechado an victima kun tano na ginibo suboot kinulga niya an aki kan suspechado.

Pig negaran an sahot kan mga suspechado kan victima.

Pirang segundo sana an naka-agi, sinuntok na kan suspechadong si Toledo an victima, kasurog an sarong dae nabistong lalaki.

Marikas na nagsurog si Vangie Toledo, na tinaga an victima sa payo.

Mientrastanto, mantang nag-titiwis an dugo sa payo kan vitima, an mga suspechado sarabay na nagdurulag.
An victima idinalagan sa Masbate Provincial Hospital, sa Masbate City para ipabulong.

Hasta sa panahon na sinusurat an baretang ini, hinahanap pa kan mga awtoridad an mga suspechado sa nasambit na krimen.
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...