Lalaki binadil sa Buhi, gadan

BUHI, CSur November 5, 2016 (Bicol Standard) -- Gadan na kan mag-abot sa Buhi Community Hospital an hawak ni John Paul Obsuna y Boliver, na suboot binadil ni Santos Narra, gamit an dae pa aram na calibre nin badil.



Sabi sa imbestigasyon, an incidente nangyari poco mas o menos alas 8:00 kasubanggui.

An victima 20 anyos an edad, soltero asin nag eerok sa Zone 6, Brgy. Salvacion digdi.

An suspechado, sa ibong na lado, nag eestar sa kapareyong barangay.

Sinabi pa kan mga imbestigador na mayo sindang nakuang capsula nin bala sa lugar na pinangyarihan kan krimen.

Hasta ngonian, an Buhi MPS nagcoconducir pa nin pagsiyasat kan nasambit na incidente.

An motibo sa pagbadil ki Obsuna an dae pa aram kan mga awtoridad.

Start typing and press Enter to search