Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, November 23, 2016

IRIGA CITY: Dating maestro na paratinda nin shabu, dinakop

IRIGA CITY 11/23/16 (Bicol Standard) -- Pinusasan kan mga pulis an sarong dating maestro sa pig coconsiderar na pusikit na paratinda nin shabu na dinakop sa ginibong buy-bust operation, digdi kan sarong aldaw.



An dating paratukdo nabisto sa pangaran na Ronald Esplana, 40 anyos an edad.

Si Esplana dinakop kan mga awtoridad sa PNR Site, sa Brgy. San Francisco, pakatapos sana suboot na magpabakal siya kan illegal na droga sa sarong ahente kan pulis, na nagsagin-sagin na parabakal.

Sabi sa report, si Esplana, dating maestro digdi sa sarong eskwelahan.

Alagad nakalaog sa negosyo nin pagbariwas kan illegal na bulong.

Ipinahayag kan mga imbestigador na halawig na panahon an inubos ninda para pasegurohon na matuklo mismo an suspechado sa aktong nagpapabakal nin droga.

Mantang sinusurat an baretang ini, si Esplana yaon sa poder kan mga awtoridad, mantang tinatapos an mga documento para sangatan siya nin magkakanigong caso.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...