Wednesday, November 9, 2016

Gasolinahan hinoldup sa Pasacao

PASACAO, Camarines Sur November 9, 2016 (Bicol Standard) –Nalalay kan 2 holduppers an kantidad P2,000 na cash asin 2 cellphones na sadire kan cashier asin gasoline boy kan Bicol Petroleum sa nangyaring holdup sa Brgy. Odicon, kan fecha 7, (Lunes) alas 11:00 nin banggui.



Segun sa pahayag kan mga victima na sinda Jonathan Marquese y Navalle, taga San Ididro, Pamplona asin Christian Sta. Rosa y de los Reyes, pareyo sinda tinutukan nin badil kan duwang lalaki na nag declarar nin holdup sa gasolinahan.

Base sa declarasyon kan mga victima enot na pinuntariya kan armas na badil kan dae nabistong holdupper an si Marquese (cashier kan gasolinahan) asin sunod si Sta. Rosa (gasoline boy), kasunod an declarasyon nin holdup.

Sabi ni Sta. Rosa, sinugo siya kan saro sa mga holduppers na bukasan an caha de yero kan gasolinahan.

Alagad, nin huli ta mayo nin llave an caha, binadil na lugod kan suspechado an sarayan kan cuarta para mabukasan.

Nakua kan mga parasalakat an kantidad na enot nang nasambit asin an saindang mga gamit na cellphone.

Mientrastanto, marikas na nagdurulag an mga parahabon pasiring sa dae madeterminaran na direksyon.

An mga imbestigador hale sa Pasacao MPS nakakua nin capsula nin bala hale sa calibre .45 na ginamit sa pagsalakat.

Hasta sa pigsusurat an baretang ini, dae pa nabibisto an mga responsable sa krimen.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...