Tuesday, November 22, 2016

ESPESYAL NA BARETA: Nagcheck-in sa resort, dinulagan an arkila

STO. DOMINGO, Albay 11/22/16 (Bicol Standard) –“Nagpasiram-siran sana sinda. Dae nagbayad kan cuartong ginamit ninda.”


Ini an dagiton na pahayag kan tawohan kan sarong resort digdi na pig-okupar kan mag-partner na babae asin lalaki, na dinulagan an dapat bayadan na arkila kan cuarto.

Sabi sa report, an babae asin lalaki nag check in. Dangan nag order nin mga masiram na pagkaon, inomon na pampagana.

Nag-abot sa kantidad P4,000.00 an total na dapat nindang bayadan.

An sabi, nagpaaram an duwa na maluwas ngona para palinigan an cuarto ninda.

Alagad, hasta ngonian dae na nagbwelta. An gabos nindang gamit dara-dara na.

Mientrastanto, an dae aram ninda na an resort palibot nin CCTV na seguradong mabibisto an sisay man na maglaog o nagluwas.

Pigbibisto na kan manehamiento kan resort an magkaibahan na paradulag sa saindang babayadan.

Sabi kan informante, malinawon sa CCTV an pandok kan magayon-gayon na babae asin purosog na lalaki, na nagpa-siram-siram sana.

Nangangapodan an kagsadire kan resort sa duwa na bayadan an saindang utang, ta kun dae, may patanid na ibubulgar an saindang mga persona sa social media.

Mantang dae pa sinda nabibisto, binansagan ngona an duwa kan pangaran na “Romeo and Juliet”, ta sa saindang hiro-hiro, garo mahamis na maray saindang relasyon.

An resort owner, nagmamawot na mabalik sainda guiraray para areglaron an saindang na consumong pagkakan, asin arkila sa malipot na cuarto na ginamit ninda.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...