Saturday, November 5, 2016

Brgy Kagawad sa Sipocot, dinakop sa pagpabakal shabu

SIPOCOT, CSur November 5, 2016 (Bicol Standard) – Sarong miembro kan consejo kan Brgy. Tible an inarestar kan mga tawohan kan army asin pulis sa ginibong buy-bust operation kasubagong ala 1:10 nin hapon, ngonian na aldaw.



An oficial kan barangay na dinakop nabisto sa pangaran na Romeo Alcala y Nepomuceno a.k.a Kalbo.

Segun sa mga awtoridad nangyari an buy-bust operation sa Maharlika Highway, sa Zone 6, Brgy. Calagbangan, digdi.

Si Alcala haloy nang pigmamasdan kan mga pulis huli sa mga sumbong na naguno ninda hale sa mga residentes kan barangay, na may relasyon sa pagpabakal niya nin ipinagbabawal na droga.

Kan dakopon an suspechado kasubago, nakaua sa saiyang poder an sarong pidasong heat-sealed transparent plastic sachet na may laog nin pigtutubodan na shabu asin an kantidad P500.00 na ginamit na cuarta sa operasyon.

An ilegal na droga asin cuarta an dinara sa hepatura kan pulis para gamiton na evidencia sa isasangat na caso contra sa barangay kagawad
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...