Tuesday, November 1, 2016

5ng pusikit na durugista, dakop sa Baao

BAAO, CSur November 1, 2016 (Bicol Standard)  Limang mga puskit na personas na sinasahotan imbuelto sa illegal na droga an sarabay na dinakop kan pig sararong fuerza kan pulis hale sa Regional Anti-Illegal drug Special Operation Task Group (RAIDSptg-SOU), Iriga City Police asin Baao Municipal Police Station sa saro pang matriumfong buy bust operation.



Pinangaranan kan mga awtoridad an mga nagkadarakop na iyo sinda Jonathan Pereras, Alexander de Lima, Roy Orbon, Victor Azur, asin Chrstine Palermo.

An operasyon ginibo sa Brgy. San Juan, digdi, na bantog na tatagan kan mga nag gagamit asin nagpapabakan nin droga, sa bilog na Rinconada Area.

Nakakua an mga pulis nin 11ng sachets nin pigtutubodan na shabu asin iba pang mga drug paraphernalia.

Maroromdoman na pirang beses nang nag-conducir nin raid an mga pulis sa lugar huli ta digdi an ipigtutukdong bakalan asin gamitan kan illegal na droga na hale sa mga barangay kan pagtaraid na banwaan, sabi sa report.

Mientrastanto, an mga suspechado an nasa laog kan detention cell kan banwaan na ini, mantang pighahalat na maisangat an caso sa jusgado.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...