Friday, November 11, 2016

24,000 na drug personalities, hinahanap pa ngonian sa Bicol

LEGAZPI CITY—Maabot pa sa 24,000 na drug personalities an nakalista sa watch list kan mga autoridad sa enterong region Bicol, segun sa Camp Crame.


Nin huli digdi, nagsugo na an Police Regional Office 5 sa anom na Provincial Police Offices na paisogon pa an saindang kampanya tanganing sosogon asin arestaron an mga nasambit na mga paragamit nin ilegal na droga.

Ini sa lindong kan Double Barrel Alpha, na iyo an ikaduwang parte kan Project Double Barrel na pigpuntariya an mga high-profile asin street-level na mga drug personalities sa bilog na nasyon.
Sa presente, igwa na nin 46,207 na drug surrenderers an region, poon kan ilansar an Oplan Tokhang kan fecha 1 kan Julio.

Mientrastanto, sa provincia nin Albay, nagpahayag na si Chief Inspector Arthur Gomez, an parataram kan Albay Provincial Police Office, na target kan oficina na magdakop nin dai mababa sa 3ng drug personality oro-aldaw. Ini tanganing makakumple sa deadline na itinao kan Police Regional Office 5 sa nasambit na mga Provincial Police Offices.

Mayo pang informasyon kun anong estratehiya kan limang iba pang provincia sa direktibang ini.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...