For immediate hiring

For immediate hiring

Sunday, November 20, 2016

2 pang drug pushers, nadakop sa Isla Sison

NAGA CITY, 11/20/16 (Bicol Standard) – Nagpapadagos pa an pagpabakal nin illegal na droga sa Isla Sison (Zone 6, Brgy. Penafrancia), susug sa resulta kan pinakabagong operasyon kan CIDT sa nasambit na lugar.



Segun sa report, kasoodmang ala 1:20 nin hapon, pinusasan kan pinagsararong mga tawohan kan pulis sinda Edilberto Sta. Ana y Dellosa, alyas “Rodel” asin Winston Padilla y Barosa alyas “Ton” sa nangyaring buy-bust operation.

An Isla Sison, (Sagrada Familia na ngonian) bistado nang tatagan kan imbuelto sa ilegal na droga.

Sabi kan mga imbestigador nagpapadagos pa guiraray na pinagbabalik-balikan an lugar na ini kan mga sugapa sa nasambit na ipigbabawal na droga.

Mientrastanto, nakua kan mga pulis an heat-sealed transparent sachet na may laog nin shabu, an kantidad P500 na cuartang ginamit na buy bust money asin sarong brown coin purse na may laog nin pitong transparent pastic sachet na may laog nin shabu.

An mga nadakop na persona an binitbit kan mga pulis sa CIDT para sa dugang na imbestigasyon.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...