For immediate hiring

For immediate hiring

Tuesday, November 22, 2016

2 Indian nationals, gadan sa robbery holdup

LUPI, CSur 11/22/16 (Bicol Standard)  Duwang Indian nationals an binadil, gadan, alas 8:45 nin aga kasubago, sa Andaya Highway, sa Brgy. Cabutagan, digdi.



An mga victima nabistong iyo sinda Bahagwant Singh Buttar, 45 anyos asin an saiyang agom na si Jaswinderkaur, 36 anyos an edad.

An mga victima taga Brgy San Bartolome, Sipocot, Camarines Sur.

Sabi sa imbestigasyon an mag agom nakalunad sa Mitsubishi Strada, pasiring sa norteng direksyon kan sinda abayon sa tinampo kan duwang armadong lalaki na nakalunad sa motorsiklo.

Pag-abot sa lugar na one way an tinampo biglang nagbunot nin badil an mga suspechado asin dagos pinaarakasakan nin bala an mag agom na tinamaan sa man laen-laen na parte kan saindang lawas.

Sabi sa report kan mangyari an incidente, nag-aagi man na gayo sa pareyong tinampo si Alkalde Bobby Matamorosa kan banwaan na ini. 

Nag-agap tulos an security kan alkalde na si PO1 Jeric Matamorosa. Kan naka-malesya an mga suspechado na may badil an pulis, naki-ribayan tulos an mga suspechado nin putok, na nagresulta sa pagka-irido kan saro sa mga holduppers.

Enot na nadakop an saro sa mga suspechado na nabistong si Marvin Magdaong y Vazquez, na taga Brgy. South Centro, Sipocot, Camarines Sur. 

An ika duwang suspechado iyo si Rodolfo Gumatay y Talinghi, 53 anyos, na taga Dasmarinas, Cavite.

Mientrastanto, mantang nagpapaputok na an pulis, marikas na pinaharorot an service na motorsiklo ni Gumatay, padulag, sa direksyon kan Ragay.

Alagad nadakop man guiraray siya kasubagong alas 1:00 nin hapon sa Sitio Nabuntog, Brgy. Banga, Ragay, Camarines Sur.

Magkaturuwang sa pag arestar kan mga suspechado an pulis hale sa Lupi, Ragay asin mga miembros kan Bravo Coy, kan 49th IM, 9th ID kan Army.

Si Magdaraog idinalagan sa Bicol Medical Center (BMC) tanganing ipabulong an saiyang tama sa lawas.

Si Gumatay yaon ngonian sa hepatura kan pulis, digdi.

Narecover sa poder ni Magdaraog an sarong Glock 17 9mm na may SN KEM496 asin may karga nin 11ng bala sa chamber kan badil.  Ki Gumatay, nakua saiya an cal. 9mm na revolver na mayo nin serial number.
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...