Tuesday, November 15, 2016

#1 sa drug watchlist sa Capalonga, nabadil kan pulis

CAPALONGA, CNorte November 15, 2016 (Bicol Standard) – Mayo nang buhay si Nonelon Hernandez y Parale, an pig coconsiderar na No 1 sa Priority Drug Watchlist sa banwaan na ini kan siya mabadil kan pulis sa buy bust operation kasubagong alas 9:25 nin aga.



Segun sa pulis, an pinag sararong fuerza kan pulis sa Camarines Norte an naglansar nin buy bust operation sa P-1, Brgy. Calabaca, tanganing madakop na an pinaka pusikit na para tinda nin shabu, digdi.

Alagad, pakatapos sanang magka-oyon si Hernandez asin an nagsagin-sagin na parabakal nin shabu, suboot naka malesya an suspechado, kaya nagprobar na magbunot ini kan saiyang badil.

An sabi kan pulis, dae na ninda hinalat pang ma-enotan na badilon ni Hernandez, kaya pinutokan na tulos siya  kan darang service pistol ni PO2 Rommel L. Orante, na nagserveng back-up security sa nasambit na operasyon.

Idinalagan pa kuta sa hospital si Hernandez, alagad ipig declarar na gadan na kan nag attender na doctor.

An suspechadong drug pusher tinamaan nin bala sa saiyang daghan, sabi kan doctor sa Camarines Norte Provincial Hospital (CNPH) Annex, sa Brgy. Catioan, sa banwaan na ini.

Nakakua an mga imbestigador nin sari-saring evidencia sa krimen, arog kan calibre .38 na armas ni Hernandez, 4 na bala, sarong sachet na may laog nin shabu, 3ng pidasong P100.00, na ginamit na marked money para sa buy bust operation, mga pina-alang na dahon nin marijuana, 2ng pinaputok nang capsula nin 9mm asin iba pang mga evidencia sa pag gamit nin illegal na bulong.
  
An bangkay kan suspechadong para tinda nin shabu an dinara sa St. Martha Funeral Homes, sa Brgy Poblacion, digdi.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...