Friday, November 4, 2016

# 1 Most Wanted sa San Lorenzo Ruiz, CNorte, dinakop kasubago


SAN LORENZO RUIZ, CNorte November 4, 2016 (Bicol Standard) – Pigtarabangan na dakopon kan mga miembros kan pulis asin army si Marvin Bardon y Asis, na akusado sa casong pag-gadan (Murder) susug sa sugo kan juwes kan Regional Trial Court (RTC) na mabista kan nasambit na kaso.

Si Bardon iyo an pigcoconsidirar na No. 1 Most Wanted sa banwaan na ini.

Dinakop an akusado poco mas o menos anas 3:00 nin hapon, ngonian na aldaw sa P-7A, sa Brgy. Bagumbayan, Paracale, Camarines Norte.

Afuera kan mga pulis digdi, katuwang sa pag-arestar sa akusado iyo an mga pulis hale sa Labo, asin Paracale, sa supervision kan Municipal Police Station digdi.

An casong murder contra sa akusado yaon sa sala ni Judge Arniel Dating kan Branch 41 kan Regional Trial Trial Court, sa Daet, Camarines Norte.

Mantang sinusurat an baretang ini, an akusado yaon sa carcel mantang pighahalat an disposisyon kan caso.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...