Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Friday, November 11, 2016

1 gadan sa pag implementar kan 4 na search warrants sa Del Gallego

DEL GALLEGO, CSur November 11, 2016 (Bicol Standard) – Apat na search warrants an haros sarabay na ipig serve kasubagong amas kan mga pulis, saro sa residencia ni Punong Barangay Oriel Degrano Legazpi Jr. kan Brgy. Peñafrancia asin an saro sa residencia ni Orlan Degrano Legazpi, sa kapareyong barangay, digdi.



Base sa report kan pulis, an enot na search warrant ipig serve ki Brgy Capt Legazpi Jr, poco mas o menos alas 4:30 nin aga, kasubago sa suboot pagbalga kan R.A. 9165 Comprehensive Dangerous Drugs Act of 2002 asin R.A. 10591 (Illegal Possession of Firearms and Ammunition.)

Alagad, dae inabotan kan mga pulis sa saiyang residencia si Kapitan Legazpi Jr.

Nakua sa paghalungkat  kan mga awtoridad sa residencia ni Legazpi Jr. iyo an 8 pidasong small size heat-sealed transparent plastic sachet na may laog nin shabu asin 1ng pidaso nin bala para sa M16.

Mientrastanto, alas 4:58 nin amay kasubago, an pareyong team kan pulis an nag implementar man kan SW-No. T-2016-196 (Violation of R.A. 9165) asin SW No. T-2016-197 (Illegal Possesion of Firearms) sa residencia ni Orlan Degrano Legapi sa Brgy Penafrancia, digdi.

Sinabi sa report na antes pang gibohon an pag rekesa kan saiyang residencia, binawian nan in buhay si Legazpi, sa pakiribayan nin putok sa mga awtoridad sa laog kan saiyang cuarto.

Nakakua an mga pulis hale sa residencia kan suspechado nin calibre .45 na pistol na maglaog 6 na bala sa magazine, 3ng pidasong cartridge cases para sa kapareyong badil, asin sarong jacketed fired bullet.

An mga imbestigador asin an SOCO nag poproceso pa kan kaso kan sinusurat an baretang ini.

An apat na search warrant na ipig implementar kan mga awtoridad firmado ni Judge Alben C. Rabe kan RTC Branch 15, sa Tabaco City.
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...