Sunday, October 9, 2016

VM Paolo Duterte, tinakodan an angat ni Sen. Trillanes na sabay magpa drug test

CIUDAD KAN DAVAO October 9, 2016 (Bicol Standard) – Inako ni Vice Mayor Paolo Duterte an agyat ni Sen. Antonio Trillanes IV na magpa-drug test sindang duwa, pagkatapos na ibulgar kan vice alkalde na igwa nin miembro kan senado na imbuelto sa pag gamit nin droga.



Sa pahayag kan vice alkalde, saiyang sinabi na mas maray na mangyari ini para talagang mapatunayan na igwa o mayo sa mga miembros kan senado na nag-gagamit nin cocaine.

Sa saiyang parte, maray man ini para probaran niya na dae man siya nag-gagamit nin droga.

Maroromdoman na enot na sinabi ni Sen. Trillanes na dapat bako lang sample kan ihi an kaipohan ipa-test, kundi an importante iyo an blood test, ta mas seguradong maaaraman an mga nag uusar nin droga.

Enot kaini, inagyat mismo ni Sen. Trillanes an aki kan presidente na si Vice Alkalde Paole Duterte na mas maray kun pangaranan an suboot pig pupuntariyang senador na imbuelto sa pag gamit nin droga.

Alagad, mayo man nin detalyadong informasyon an vice alkalde kun sisay sa mga senador an imbuelto sa pag gamit nin droga.

Mayo pang pahayag ni Sen. Trillanes kun aakoon man niya an angat ni Vice Mayor Duterte para sabay sindang magpa drug test.
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...