Wednesday, October 19, 2016

Tigaon, solamenteng banwaan sa Cam Sur na may good governance seal

TIGAON, Camarines Sur October 19, 2016 (Bicol Standard) –Sa 35ng mga banwaan kan Camarines Sur, solamente an Tigaon an nakaotob kan mga reglamento tanganing matawan kan inaapod na Seal of Good Local Governance (SGLG) kan Department of Interior and Local Government (DILG).


An tinatawan kan pagmidbid na ini kan DILG iyo itong mga LGUs na igwang maray na financial housekeeping, disaster preparedness, social protection for the basic sector, business-friendliness and competitiveness, environmental management, asin law and order and public safety.

An duwa pang mga banwaan kan Bicol na tinawan kan siring na pagmidbid kan DILG iyo an Mobo, Masbate asin Virac, Catanduanes.

Mientrastanto, sa ikaduwang surunod na taon, an Naga City, nawara man sa listahan ciudad na igwang Seal of Good Governance.

Ini, apisar kan pigbabalangibog asin pigbabantog na an lugar na ini iyo an inaapod na Center For Good Governance.

Sa ibong na lado, an Provincia kan Camarines Sur, dae pa guiraray nakakanamit nin Seal of Good Local Governance.

An completong listahan kan mga tatawanan nin honra sa nasambit na programa kan DILG iyo an minasunod:

Provinces:
1. Catanduanes
2. Sorsogon
3. Camarines Norte

Cities:
1. Legaspi City
2. Masbate City
3. Ligao City
4. Sorsogon City

Municipalities:
1. Virac, Catanduanes
2. Tigaon, Camarines Sur
3. Mobo, Masbate

An awarding gigibohon sa Octobre 27, ala 1:30 nin hapon sa Sofitel Philippine Plaza Hotel, sa Manila.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...