Tuesday, October 25, 2016

Taga Iriga City na may 7 casong Estafa, dinakop kan pulis

IRIGA CITY October 25, 2016 (Bicol Standard) – Huli sa pagboot kan Regional Trial Court (RTC) sa Ciudad kan Iriga, dinakop kasoodma kan pulis si Romulo Banaria y Medina, 61, sa saiyang residencia sa Brgy. San Agustin digdi.



Si Banaria nag-aatubang nin pitong (7) caso nin pagsuba (Estafa) na bibistahan sa duwang sala kan RTC digdi.

An mga asunto kriminal na inaatubang kan akusado iyo an minasunod: Criminal Cases Nos. IR-11728; IR-11730; IR-11733 asin IR-11734, na anas may fecha Augusto 24, 2016, asin may recommendadong fianzang P16,000 an kada saro.

An iba pang mga asunto iyo an Criminal Cases No. IR-731 na may fianzang P30,000; asin IR-11732 na may recommendadong fianzang P18,000, na pareyo may fechang Augusto 19, 2016 asin yaon sa sala ni Judge Maria Clarissa L. Pacis-Trinidad, an Presiding Judge kan RTC Branch 36, digdi.

Mientrastanto, an Criminal Case No. 11729 yaon sa sala ni Judge Salve Eva Q. Villareal-Dimabayao, an Presiding Judge kan Branch 35 kan RTC digdi.

Dinakop si Banaria kasoodmang alas 9:00 nin aga.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...