Tuesday, October 11, 2016

Parasira, naputukan nin dinamita

STA. ELENA, CNorte October 11, 2016 (Bicol Standard) –Haros magkapiridaso an lawas ni Alex Barroga y Barde, 46, may agom, parasira, kan siya maputokan kan pugol niyang dinamita na gagamiton kuta sa pagdakop nin sira.


Si Barroga, taga Purok 3, Brgy. Basiad, digdi, kaiba an saiyang ama-on na si Enrique Esmira y Espayos, naglawod sa dagat para magdakop nin sira, sa paagi kan pag-gamit kan ipigbabawal na bigas-bigas, na sarong klase nin dynamita.

Susog sa deklarasyon kan saiyang kaiba, pugol na kan victima an dinamita asin sinubsuban na nin kalayo an mitsa, kan biglang magbuag an bomba sa saiyang kamot.

Huli kan kusog kan putok, napurak an saiyang kamot asin ibang parte kan saiyang lawas.

Nagadan tulos an victima sa pinangyarihan kan aksidente.

Nangyari ini poco mas o menos ala 1:00 nin hapon kan Domingo (Octubre 10) sa dagat kan San Lorenzo digdi.

An lugar na ini bantog na maray na paborito kan mga naggagamit nin bigas-bigas na dinamita sa paghanap nin sira.

An bangkay kan victima dinara sa Dechavez Funeral Homes para sa imbestigasyon.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...